Квазимемлекеттік сектордағы және комплаенс-қызметтердің жұмысындағы сыбайлас жемқорлықтың алдын алу тетіктерін жетілдіру

Риддер тарихи-өлкетану музейінің қызметкерлері үшін «Квазимемлекеттік сектордағы және комплаенс-қызметтердің жұмысындағы сыбайлас жемқорлықтың алдын алу тетіктерін жетілдіру» тақырыбында дәріс өткізілді.
Іс-шара барысында комплаенс-офицер қатысушыларды мемлекеттік сыбайлас жемқорлыққа қарсы саясаттың өзекті бағыттарымен және квазимемлекеттік сектор ұйымдары қызметінің ашықтығын қамтамасыз етудің жаңа тәсілдерімен жан-жақты таныстырды.
Дәріс аясында одан әрі шешуді қажет ететін негізгі мәселелер де қарастырылды. Олардың қатарында қызметкерлердің құқықтық мәдениетін арттыру, ішкі бақылау рәсімдерін жетілдіру, еңбек ұжымдарында адалдық қағидаттарын нығайту және сыбайлас жемқорлық тәуекелдеріне жедел әрекет ету тетіктерін дамыту мәселелері атап өтілді.
Өткізілген іс-шара музей қызметкерлерінің сыбайлас жемқорлыққа қарсы заңнаманың заманауи талаптары туралы хабардарлығын арттыруға, сондай-ақ әрбір қызметкердің адалдық, ашықтық және жауапкершілік мәдениетін қалыптастырудағы рөлін түсінуге ықпал етті.