Жыл сайын 15 ақпанда, Кеңес әскерлерінің Ауғанстаннан шығарылған күніне орай, біздің қалада интернационалист жауынгерлерді еске алуға арналған іс-шаралар өтеді. 2026 жылғы 16 ақпанда Риддер музейінде №12 мектептің 6-сынып оқушылары үшін «Ауған алауында шыңдалғандар» атты ерлік сабағы өткізілді. Ауған соғысының отты шебінен 22 мыңнан астам қазақстандық өтті, олардың 928-і қаза тапты, мыңдағаны мүгедек болып оралды.  150-ден астам риддерлік жауынгерлік іс-қимылдарға қатысты. Олардың көпшілігі ордендермен және медальдармен марапатталған. Төрт жерлесіміз қайтыс болды : Александр Мещеряков, Владимир Байгачев, Александр Беляев және Сергей Мусохранов. Олар Коновалов зиратында жерленген. Сонымен қатар біздің қалада оқып, осы жерден әскерге шақырылған тағы екі азамат қаза тапты: Сергей Степанов (Предгорное ауылында жерленген) және Сергей Зеленин (Черемшанка ауылында жерленген)                                                                                                                                                                                                                                 Біз ешқашан елге оралмаған «тельняшка киген қымбатты бозбалалардың» бейнесін ұмытпаймыз. Қаза тапқандардың есімі олар оқыған мектептердегі ескерткіш тақталарда мәңгілікке қалдырылған. Ауған соғысы ардагерлері саябағында интернационалист жауынгерлерге арналған ескерткіш орнатылған. Музей қорында олардың жеке заттары, фотосуреттері мен хаттары ұқыпты сақтаулы.